مقدمة أزواج و زوجات

تحياتى إلى الجميع
تحياتى إلى المتزوجين و الى قربوا يتجوزوا و اللى ناويين يتجوزوا

أنا أحب دايما ألاحظ و أتابع ما يحدث حولى و هذا علمنى الكثير
أصبح لدى خبرات قوية و نصائح مهمة قد تغير شكل الحياة الزوجية إلى أجمل وجه إذا أحسنتم تطبيقها

لفت إنتباهى كثيرا كلمات ترددها السيدات منها
الرجالة عنيها زايغة
الرجالة مالهمش أمان

كمان الفزع الدائم لدى المرأة المتزوجة أن يتزوج جوزها عليها
و لو حصل تقول
أصل الرجالة ما بيتمرش فيهم ده أنا كنت قايداله صوابعى العشرة شمع

هل كل ما يقوله النساء صحيح؟
أم أنهم لسه مش فاهمين حاجة عن الزواج؟
و لا مش فاهمين حاجة عن الرجالة؟

طيب من جانب الرجالة
يا ترى عارفين كيف يكونوا أزوج مثاليين؟
عارفين يكونوا راجل بيت؟؟
و لا أصلا مش عارفين يعنى إيه راجل البيت؟

على فكرة الأسئلة دى بتفتح مواضيع كتير قوى
و أنا هأحاول أكون منظم بقدر الإمكان

و ناوى أبدأ من الأول خالص من قبل ما يكون فيه جواز و نتكلم عن بداية إختيار شريك أو شريكة الحياة

إلى اللقاء مع أول فقرة من هذه المدونة