كل عام و أنتم بخير

عيد أضحى مبارك

أعاده الله بالخير و السعادة على كل المتزوجين

و اللى لسه ماتجوزش يتجوزوا

و اللى اتجوزوا يخلفوا

و اللى خلفوا يبارك لهم فى عيالهم

و كل عام و انتم بخير

هـــل المرأة إنسان ؟؟

هذا الموضوع أعجبنى فأحببت أن أنقله لكم

بقلم أحمد الشقيري

سؤال حير الأوربيون طويلا فقد اجتمعوا فى عام 586م لبحث هذا الامر : هل المرأة إنسان؟ وانتهوا بعد المناقشات بأن المرأة انسان خلق لخدمة الرجل !! ولم يمض سوى 30 سنة على ذلك الاجتماع حتى أتى الرسول صلى الله عليه وسلم ليعلن للعالم أجمع أن (النساء شقائق الرجال) وليعلن أن (من سعادة بن آدم المرأة الصالحة)وليعلن (رفقا بالقوارير) محمد بن عبد الله محرر المرأة الحقيقى!। من قراءاتى البسيطة اكتشفت أن مكانة المراة ودور المرأة فى المجتمع كان أكبر بكثير أيام الرسول صلى الله عليه وسلم وأيام الصحابة عما هو عليه اليوم …فقد كانت المرأة أما وزوجة وعاملة ومجاهدة وتروى الاحاديث وتفتى فى الدين بل وتدخل فى السياسة وتساعد الحاكم وتشير عليه (كما أشارت أم سلمة على الرسول بحلق رأسه يوم الحديبية وغيرها من الامثلة كثير) فلماذا هذه الانتكاسة فى هذا العصر ؟لقد همش دور المرأة اليوم لدرجة أن بعض الناس أصبح يتعامل مع اسم المراة وكأنه عورة!!!! وقد قرأت مقال الأخ حسين شبكشى ولفت انتباهى لهذا الأمر فبعض الناس يطلقون على زوجاتهم (الأهل الله يكرمك) والآخرين(الحرمة الله يعزك)وآخرين (المرة)وآخرين(أم العيال)وقيل لى إن بعض الناس فى المغرب يقول (زوجتى حاشاك)!!!فلماذا؟ لماذا لا ينادى الرجل المرأة بإسمها بين أصحابه ؟ هل أصبح اسم المرأة عورة؟ آآآه يارسول الله عندما سألك أحد الصحابة:من أحب الناس إليك يارسول الله فقلت بملء فمك أمام الناس أجمع (عائشة) لاأدرى ما أصل الحرج فى ذكر اسم الزوجة او الأخت عند بعض الناس ولا أدرى ما الحكمة منه؟يكفى النساء فخرا أن أول من اعتنق الدين الإسلامى على وجه الأرض امرأة(خديجة رضى الله عنها) وإنى لأتعجب وأنبهر كلما فكرت فى تصرف الرسول صلى الله عليه وسلم عندما نزل فزعا خائفا من غار حراء بعد نزول الوحى لأول مرة فأين ذهب؟॥ لم يذهب إلى أعز أصدقائه أبو بكر ولم يذهب إلى عمه الذى رباه أبو طالب ولكنه ذهب وارتمى فى أحضان زوجته خديجة!! أى زوج هذا؟ أى علاقة زوجية هذه ؟ أى مكانة وثقة فى المراة أحسها وطبقها الرسول مع زوجته خديجة؟ نحن أمة نفتخر ان الذى ثبّت رسولنا محمد واعانه فى شدته الأولى كانت امرأة نعم ونقولها بأعلى صوت؟ يقال أن المرأة نصف المجتمع ولكن حيث إن المرأة هى التى تربى النصف الآخر فأنا اقول أن المرأة هى كل المجتمع !! وأنا على إيمان ويقين أن عزة الأمة الإسلامية لن تأتى إلا على يد أمهات أخلصوا فى أمومتهم فأنجبوا لنا أمثال عمر بن عبد العزيز وصلاح الدين وغيرهم من الرجال؟ اللهم أصلح نساء المسلمين واجعلهن خير أمهات لجيلنا القادم بإذن الله.

(منقول)

مهم للعلاقة الزوجية

منقول من مدونة بنت خيخة و أى كلام

النظافة من الإيمان


البوست ده بناءاً على طلب الجماهير
وهما مش جماهير أوى بصراحة
هما اتنين بس من القراء الأعزاء
واحد وواحدة
بيعانوا من نفس المشكلة
وهى عدم نظافة شريك الحياة
وطلبوا مني انى أكتب عن الموضوع ده
الراجل اللى بعتلي مشكلته
كانت مشكلته صارخة ومقززة
وحالته تصعب على الكلب الاعور الحزين
اما البنت فامشكلتها بسيطة بجانب مشكلة الراجل
ولو انها تظل مشكلة مقرفة برضه
انا مش هادخل فى تفاصيل المشكلة
لكن من كلامى اعتقد انكم هتفهموها وهى طايرة
النهاردة كلامي عن النظافة
نضافة شريك الحياة
هاتكلم فى الاول عن نضافة الست
يعنى الكلام ده موجه للستات دلوقتى
والكلام برضه من وجهة نظرى انا
يعنى يحتمل الصواب ويحتمل الخطأ
ويحتمل انى اكون مزوداها شويتين
لان موضوع النظافة بيكون نسبة وتناسب
وتختلف درجته من شخص لأخر
كلامى للستات المتجوزين
النضافة اساس اى شئ
ودرجة نظافتك لنفسك ولبيتك ولعيالك
بتؤثر بشكل أو بأخر بعلاقتك بجوزك
يبقى لازم تهتمى جدا بنظافة كل ماهو حولك
ليييييييييييييييييييييه؟
علشان لو جوزك رجع من شغله
ولقى إن رحتك مش حلوة وهدومك مبقعة ومبهدلة
وعيالك هدومهم وسخة وعليها بقايا اكل
وعيونهم معمصة ومناخيرهم مبربرة
وارضية البيت مش مكنوسة
والمواعين تضرب تقلب فى المطبخ
والملاية بتاعة السرير متربة وحالتها حالة
جوزك غصب عنه هيقرف منك ومن عيالكم
ومن البيت وهيبقى مش طايق الرجوع للبيت
يبقى انتى هتعملى اييييييييه؟
انتى لازم تبقى نضيفة ولابسة لبس نضيف
مش هاقولك البسى واتزوقى
لأن حتى ولو كنتى لابسة
قميص نوم كستور بس نضيف
هتفرق مع جوزك
لما يكون شعرك متسرح
ولو حتى كنتى عملاه كحكة على قفاكى
بدل امنا الغولة اللى بيرجع يلاقيها قدامه
دى حاجة هتفرق معاه
انا مش بقولك اصبغيه
أو اعمليه سشوار انا بقولك سرحي شعرك
وعلى فكرة ابسط قواعد التزويق هى امور النضافة
يعنى مش لازم تكونى لابسة
حاجة مثيرة علشان تبقى حلوة
لكن لازم اللى انتى لابساه ده
يكون نضيف علشان جمالك يكتمل
ومش لازم تبقى صبغة شعرك علشان تكونى حلوة
لكن لازم تكونى مسرحة شعرك علشان تكونى حلوة
لما ولادك يكونوا نضاف وبتحميهم كل يوم
ولو وقعوا حاجة على هدومهم تغيريها فورا
ومتسبيش البرابير على مناخيرهم
وعلطول تحطيلهم كولونيا
هتلاقى جوزك لما بيشوف العيال
بياخدهم فى حضنه وبيلعب معاهم
لانه مش قرفان منهم
ابقي اكنسي بيتك من وقت للتانى
واغسلى المواعين بانتظام ويوم بيوم
وحتى لو بتجيلك شغالة
ماتعتمديش عليها اعتماد كلى
افرضى لاقيتى عنكبوت معشش فى اوضة النوم
مش معقول ابدا تسيبى العنكبوت
لحد ماتيجى الشغالة تشيله
شيليه انتى يا بطة منك ليها
لو بنتك اتقايت فى الحمام
مش معقول ابدا تسيبى القيئ
لحد الشغالة ما تيجى تانى يوم تمسحه
لو حاجة ادلقت على الترابييزة
قومي فزي وامسحى الترابيزة
بلاش جوزك يرجع من الشغل
يلاقى أن اثار قعر كوبايات الشاى
اللى اتدلدأ منها حبة شاى الصبح
لسة موجودة من صباحية ربنا
وانك مافكرتيش طوال الاتناشر ساعة
اللى غابهم طول اليوم
انك تجيبى حتة القماش البيضا اللى فى المطبخ
وانك تمسحي أثار الدلدئة
لو كنتى مطولة ضوافرك نوع من انواع الانوثة
يبقى لازم تهتمى بيهم دايما
وتبرديهم وتنضفيهم من الميكروبات السودا
لو انتى مش بتطوليهم
يبقى لازم كل يومين تقصفيهم بالقصافة
علشان اهمالهم بيلم الميكروبات السودا
وبيخلى شكل ايدك مقرف
لو بتاكلى سمك مشوى
وضوافرك طويلة
بعد ما تقشرى السمك المشوى
روحى اشطفى ايدك من القشر
علشان القشر بيدخل بين ضوافرك
وبيخلى شكل ايدك بشع
وممكن عين جوزك تقع على ايدك
وهى فى الحالة دى
وساعتها هيكون منظرك مقزز جدا
اعملى سويت دايما
فى منطقة العانة ومنطقة تحت الإبطين
شريف هاني بيحب مامي وبابي وبحب نوني كمان وبابلو
معلش يا جماعة بس الجملة اللى فوق دي
شريف اصر انه يملهاني واصر انى اكتبها قدامه
وقالى اوعى تمسحيها وانا وعدته انى مش هامسحها
المهم نرجع لكلامنا
كنت بقول على موضوع السويت
ياستات يا متجوزات
نضافة اجسامكم تؤثر بشكل كبييييييييير
فى مسألة الهونجا بونجا
ولما الهونجا بونجا تبقى تمام
الحياة الزوجية بتكون تمام بنسبة كبيرة
بين قوسين مش دايما
نيجي للرجالة بقى
وعلشان صاحبة المشكلة على اخرها من جوزها
ومش عارفة تعمل معاه ايه
انا هاقول نصايح عامة
وان شاء الله زوج المدعوة يقرا
وعله يستفيد
يا رجالة
لو سمحتوا من فضلكم
اغسلوا رجليكم بعد ماتقلعوا الجزمة
لأن ريحة رجليكم بتكون مأساوية بشكل غير طبيعي
ولو سمحتوا اغسلوا اسنانكم بانتظام
ولو مش عايزين تغسلوها بانتظام
يبقى أقل مافيها تغسلوها قبل ما تبوسوا مراتتكم
خصوصا المدخنين منكم وأكلى البصل والتوم
لأن ريحة بؤكم بتقرف الكلب الأعور الحزين
وبلاش التجشؤ بصوت عالي
وبلاش تعملوا بوئة قدام مراتتكم
ابقوا ادخلوا الحمام وجيصوا براحتكم فيه
وابقوا خففوا شعر الإبطين ومنطقة العانة
علشان مراتتكم متقرفش منكم
فى مسألة الهونجا بونجا
يعني بلاش الست تحس
انها بتعمل هونجا بونجا مع غوريلا
وبلاش تعملوا الصوت اللى هو
بتجيبوا برابيركم من اعماق مناخيركم
وتيجوا تافينها فى الحوض
ابقوا اعملوا الحركة دى
وانتوا قافلين على نفسكم باب الحمام
وبلاش تعملوها فى العلن وتروحوا الحمام
عند اخر لحظة اللى هى لحظة تف البرابير
يعنى ياريت بعد اذنكم كل مراحل تف البرابير
تتعمل فى الحمام ويكون بابه مقفول عليكم
بس خلاص
أخر الكلام
من نظف ثوبه قل همه ... و من طاب ريحه زاد قدره
إنتهى
بت خيخة وأي كلام

(منقول بالنص بدون أى تصرف منى)

زواج القاصرات و العنوسة

زواج القاصرات و العنوسة

موضوع على الماشى

من المفارقات الغريبة أنه مع تزايد مشكلة تأخر سن الزواج و تضخم مشكلة العنوسة نرى أنا هناك جهات كثيرة حكومية و غير حكومية كرست جهدها لمحاربة زواج القاصرات! فى هذا الموضوع غرابة حيث أن هذه الجهات من الواضح أنها تحارب ظاهرة قد تكون غير حقيقية لأنه لو أن هذه هى المشكلة فمن أين أتت العنوسة؟؟!! و بالتدقيق فى المسألة نجد أنهم تركوا المشكلة الحقيقية (و هى تأخر سن الزواج) و أداروا ظهرهم لها بحجة أنهم منشغلين بالزواج البكر (طيب هو فين الزواج من أصله؟ هو حد عارف يتجوز)، أم أنهم يديرون ظهرهم للفيل و يبحثون عن النملة؟

نقطة أخرى فى هذا الموضوع، و هى أن هؤلاء الذين شغلوا نفسهم بالزواج المبكر يأخذون مبادئهم من الغرب الذى يرفض الزواج المبكر و لكنه يشجع الزنا فى سن مبكرة و أعتقد أننا نعلم أن فى المدن الأمريكية معظم الفتيات يصلن إلى سن الخامسة عشر و هن فاقدات لعذرياتهن و بتشجيع من المجتمع حيث أنهم يرون أن ممارسة الجنس إحتياج ضرورى للبالغين. إذا و بما أنهم يعلمون أنه احتياج ضرورى فلما يمنعوه فى الحلال (الزواج) و يشجعوا عليه فى الحرام! أم أنه مجرد عند لشريعة الله و محاربة لله تعالى؟

تدبروا هذا الموضوع و فكروا فيه و انظروا هل من الأفضل أن نصل لاحتياجتنا بمرضاة الله و اتباع شريعته ، أم بمرضاة الشيطان و اتباع ضلاله؟

أزواج للبيع

في إحدى المدن تم افتتاح متجر لبيع (الأزواج) حيث يمكن للمرأة الذهاب لاختيار زوج بنفسها ومن بين التعليمات التي وضعت في المدخل حول أسلوب عمل المتجر: أن للمرأة فرصة الدخول مرة واحدة للمتجر ! ويمكن الاختيار من أحد الطوابق أو الذهاب إلى الطابق الآخر الأعلى منه ولكن لا يمكن النزول إلى أسفل। : : دخلت إحدى النساء (لمتجر الأزواج) لاختيار زوج لها في مدخل الطابق الأول علامة : الرجال هنا لديهم عمل ومؤمنون بالله وفي مدخل الطابق الثاني علامة : الرجال هنا لديهم عمل ومؤمنون بالله ويحبون أطفالهم وفي مدخل الطابق الثالث علامة : الرجال هنا لديهم عمل ومؤمنون بالله ويحبون أطفالهم وشكلهم جذاب ॥وكانت المرأة تـفكـر 'واو ولكن سأستمر بالصعود' وقد وصلت إلى الطابق الرابع لتجد علامة : الرجال هنا لديهم عمل ومؤمنون بالله ويحبون أطفالهم وشكلهم جذاب ويساعدون زوجاتهم في أعمال المنزل ( يعني سؤال ... وش تبيون اكثر من كذا ؟؟!! لكن شوفوا نهاية الطمع ..استمروا بالقراءة ) ..فتعجبت في خلجات نفسها ' يا إلهي إني لا أستطيع التحمل سأوافق ' ولكنها استمرت بالصعود وفي مدخل الطابق الخامس وجدت علامة : الرجال هنا لديهم عمل ومؤمنون بالله ويحبون أطفالهم وشكلهم جذاب ولهم قابلية رومانسية عالية لمغازلة زوجاتهم دائماً وكادت أن تطأ قدمها ذلك الطابق إلا أنها استمرت بالصعود وفي مدخل الطابق السادس وجدت علامة : أنـت الـزائـرة رقـم 4.363.012 ليس هناك أي رجال في هذا الطابق لأن هذا الطابق وجد خصيصا كبرهان أن النساء لا يمكن إرضاؤهم شكراً للتسوق في 'متجر الأزواج' وانتبهي لخطواتك وأنتِ تخرجين ونتمنى لكِ يوما سعيداً

(منقول)